ໜ່ວຍແກ້ວ

ຊຳເໜືອ

 ຫົວພັນ(ອັງກິດ:Houaphan) ແມ່ນແຂວງໜຶ່ງຂອງປະເທດລາວທີ່ຕັ້ງຢູ່ທາງພາກເໜືອ ຢູ່ທິດຕະເວັນອອກສຽງເໜືອຂອງແຂວງຊຽງຂວາງ ປະຫວັດສາດຂອງສອງແຂວງນີ້ມີຄວາມຄ້າຍຄືກັນ ພູມີປະເທດເປັນພູເຂົາສະຫລັບຊັບຊ້ອນ ພື້ນທີ່ສ່ວນໃຫຍ່ເປັນປ່າໄມ້ ອາກາດຄ່ອນຂ້າງໜາວ ປະກອບດ້ວຍຊົມກຸ່ມນ້ອຍກວ່າ 20 ເຜົ່າ ໄດ້ແກ່: ລາວລຸ່ມ, ໄທຂາວ, ໄທແດງ, ໄທເໜືອ, ໄທນ້ອຍ, ມົ້ງ, ຂະໝຸ ຯລຯ ສ່ວນໃຫຍ່ໃຊ້ພາສາຕະກູນພາສາ ລາວ-ໄຕ

Add caption

ເມືອງຊຳເໜືອເປັນເມືອງເອກຂອງແຂວງຫົວພັນມີຊາຍແດນຕິດກັບຫວຽດນາມຕັ້ງຢູ່ທ່າມກາງຮ່ອມພູ ອັນຂຽວຂະຈີທີ່ຄວາມສູງ1,200ແມັດເປັນເມືອງທີ່ມີວິວທິວທັດທີ່ສວຍງາມ ຕະຫລາດໃນເມືອງຍາມເຊົ້າຈະມີຊາວເຜົ່າຕ່າງໆອອກມາຍ່າງຊື້ເຄື່ອງບ່ອນນີ້ ເປັນຕະຫລາດໃຫຍ່ທີ່ສຸດໃນເຂດນີ້ ມີສິນຄ້າໃຫ້ເລືອກຫລາກຫລາຍ ທັງອາຫານສົດ, ອາຫານແຫ້ງ ຈາກຈີນ,ຫວຽດນາມ ແລະ ໄທ. ຜ້າຕ່ຳມື ຊຶ່ງເປັນສິນຄ້າທີ່ມີຊື່ສຽງ ຂອງລາວ ທີ່ສົ່ງໄປຂາຍ ຫລວງພະບາງ ແລະ ນະຄອນຫຼວງວຽງຈັນ ມີລວດລາຍທີ່ປານີດສວຍງາມ.

ເມືອງວຽງໄຊເປັນອະດີດສູນບັນຊາການໃຫຍ່ຂອງກຸ່ມຜູ້ນຳຂະບວນການປະເທດລາວ ມີຫມູ່ບ້ານຊົນພື້ນເມືອງຫຼາກ ຫຼາຍວັດທະນະທຳ, ທັງເປັນດິນແດນທີ່ ງົດງາມ ແລະ ພິລະອາດຫານ ທິວທັດທຳມະຊາດພູຜາປ່າໄມ້ທີ່ຂຽວສົດງົດງາມແລະທົ່ງນາຍາວຢຽດທອດໄປຕາມແນວພູຜາ ເປັນສິ່ງສວຍງາມຍິ່ງ ແລະ ຍັງເປັນທີ່ ຕັ້ງທາງປະຫວັດສາດໃນການຕໍ່ສູ້ກູ້ຊາດ ຕ້ານຈັກກະພັດຕ່າງດ້າວ ທີ່ເຂົ້າມາຮຸກຮານດິນແດນແຫ່ງນີ້ເດີມມີຊື່ວ່າທົ່ງນາໄກ່ເນື່ອງຈາກໃນເຂດນີ້ມີໄກ່ປ່າຫລວງຫລາຍ ພາຍຫລັງສົງຄາມໄດ້ຍຸຕິລົງ ທົ່ງນາໄກ່ ໄດ້ປ່ຽນຊື່ມາເປັນ ເມືອງ ວຽງໄຊ ປະກອບດ້ວຍ 4 ບ້ານ ທິດເໜືອ ແມ່ນ ບ້ານ ລ່ອງກູ້ ທິດໃຕ້ຄື ບ້ານ ຊຽງຊື້ ແລະ ບ້ານ ນາໄກ່ໃຕ້, ທິດຕະເວັນ ຕົກສຽງເໜືອຄືບ້ານ ບັກ ແລະບ້ານນາໄກ່ເໜືອຢູ່ໃຈກາງ ທິດເໜືອຕິດພູແຕ້ມ ທິດໃຕ້ ຕິດພູແຄທິດຕະເວັນຕົກຕິດສາຍພູຂຽວ ທິດຕະເວັນອອກຕິດທາງເລກທີ16ສະຖານທີ່ແຫ່ງນີ້ເປັນພູຜາຫິນເຕັມໄປດ້ວຍຖ້ຳທຳມະຊາດລວມເຖິງ 102 ຖ້ຳ ປະກອບດ້ວຍຖ້ຳ ສຳຄັນຫຼາຍຖ້ຳ.